Engi aig 
viis ja sõnad Anu Taul 
 
Vaiksen üün põlep aknal küünal, 
engeksi uut kodu kaugelt tiilt. 
Vaiksen üün keski hüüd – 
kas om nii nemä? 
Kodukakk om sii. 
 
Mailma kulda ei ma ihkä, 
om küllält rikkit, kes ikeve. 
Sulle ütle sõnu nii lihtsit, 
tunne laulust mõnu, 
sa kuulatet. 
 
Ref: Väike tare suuren üün, 
sina miu kõrval, kateksi suuren üün. 
Ümmer tare mõtsavüü, 
sina miu kõrval – kateksi... 
 
Üüsi kae taivatähti, 
kudas neid küll tetti sel kaugel aal? 
Kuu pääl käiti ja nii mõndagi nätti, 
mia istu mättäl ja kae maalt. 
 
Sääl kusagil ring saap täis, 
torm külän käip ja pahandep. 
Küll raiutes jalgu päid, 
kuid om ka neid, kes parandep. 
 
Om lämmit täis me väike tare, 
pole rohkemp vaja, 
nõnda omgi hää. 
Ase oodap, om joba ildä, 
kass lüüp nurru om temälgi hää. 
 
Vaiksen üün põlep aknal küünal, 
engeksi uut kodu kaugelt tiilt. 
Elgip tuluke ilmä veeren, 
kus olede, me oodame...